भारत र नेपालले घनिष्ठ छिमेकीका रुपमा सन् १९४७ देखि मित्रता र सहयोगको अनुद्वितय सम्वन्ध गाँसेका छन् । नेपालमा भारत सरकारको सहायोग कार्यक्रम, आर्थिक अनुदानहरु, विशेष गरी शिक्षा, स्वास्थ्य र पुर्वाधारहरुका क्षेत्रमा सहज, छरितो र निर्वाधरुपमा जनतासमक्ष पुग्नु पर्छ भन्ने दृष्टिकोणबाट निर्देशित रहेको छ । काठमाण्डौं स्थित भारतीय दूतावासले नेपाल सरकारसंग नेपालको सांस्कृतिक सम्पदा, शिक्षा, आवास र स्वास्थ्य क्षेत्रमा भुकम्पपछिको पुनर्निमाण आयोजनालगायतका लागि काम गरिरहेको छ जुन २०१५ मा भएको नेपालको पुनर्निर्माण सम्वन्धी अन्तराष्ट्रिय सम्मेलनमा भारत सरकारले प्रतिवद्धता गरेको युएसडी २५० मिलियन अनुदान सहित १ विलियन अमेरिकी डलरको एक भागको रुपमा रहेको छ ।

केन्द्रीय स्तरको परियोजना कार्यान्वयन इकाई (CLPIU) भवन र आवास नेपाल सरकारको सहरी विकास मन्त्रालय अन्तर्गत सञ्चालित छ। यसले काठमाडौं उपत्यका भित्रका १० वटा INTACH परियोजनाहरू समावेश गरी भारत सरकारद्वारा वित्त पोषित सांस्कृतिक परियोजनाहरूको कार्यान्वयन गर्ने निकायको रूपमा काम गर्दछ। कार्यालय सहरी विकास परिसर, बबरमहल – काठमाडौंमा अवस्थित छ, यी सांस्कृतिक पहलहरूको निरीक्षण र कार्यान्वयनको लागि केन्द्रीय हबको रूपमा सेवा गर्दै। CLPIU(B&H) ले यस क्षेत्रको समृद्ध सांस्कृतिक सम्पदाको संरक्षण र अभिवृद्धि गर्न महत्त्वपूर्ण भूमिका खेल्छ, सांस्कृतिक विकास र संरक्षणमा नेपाल र भारतबीचको सहकार्यमा योगदान पुर्‍याउँछ।

भारतमा सांस्कृतिक सचेतना तथा संरक्षणको अगुवाई गर्ने उदेश्यका साथ इण्डियन नेशनल ट्रस्ट फर आर्ट एण्ड कल्चरल हेरिटेज (INTACH) को स्थापना सन् १९८४ मा भएको हो । भारतमा मात्रै १९० भन्दा धेरै मातहतको निकाय रहेको यस क्ष्ल्त्ब्ऋज् आज विश्वकै ठूलो सांस्कृतिक संगठनहरु मध्येको एक हो । INTACH ले गएको ३७ वर्षमा मूर्त तथा अमूर्त दुवै सांस्कृतिक सम्पदाहरुको संरक्षण र सम्बर्धनमा उल्लेख्य काम गरेको छ । INTACH को पुरातात्विक सम्पदा महाशाखाले भारतको वृहत सम्पदाको सम्बर्धन र संरक्षणको क्षेत्रमा समर्पित भई काम गर्दै आएको छ । यस महाशाखाले सांस्कृतिक सम्पदाहरुको संरक्षण, अभिलेखिकरण र संरक्षण परियोजनाका लागि मापदण्ड निर्धारण गरेको छ ।