परियोजना आधिकारिक वेवसाईटको शुभारम्भ

नेपालका लागि भारतका राजदूत महामहिम श्री विनय मोहन क्वात्राज्युले १५ अगस्ट २०२१ मा नेपालका सांस्कृतिक परियोजनाहरुका लागि आधिकारिक वेबसाइटको शुभारम्भ गर्नुभएको थियो । यो कार्यक्रम भारतको आजादीको अमृत महोत्सव र ७५औं  स्वतन्त्रता दिवसको उपलक्ष्यमा भारतीय राजदूतावास – काठमाण्डौंको प्रांगणमा र कार्यक्रमको एक भागको रुपमा  भएको थियो । उक्त कार्यक्रमको वेवसाईटको शुभारम्भ भागलाई इन्टैक वास्तु सम्पदा शाखाका मुख्य निर्देशकले इन्टैक काठमाडौं टोलीको साथमा संचालन गर्नुभएको थियो । राष्ट्रिय पुनर्निर्माण प्राधिकरणका मुख्य कार्यकारी अधिकृत (नेपाल सरकार) र इन्टैकका अध्यक्ष ले भिडियो मार्फत आफ्नो छोटो मन्तव्य सहित यस शुभकार्यको लागि आशिर्वचन दिनुभएको थियो । कार्यक्रमलाई फेसबुकमा प्रत्यक्ष प्रसारण गरिएको थियो जहाँ लगभग ३००० दर्शकहरुले श्रव्यदृश्य अवलोकन गरेको थिए ।