इन्टेकले इन्टेक सूची अन्तर्गत पाटनका पाँच महाविहार मध्ये एक नापिचन्द्र महाविहारको संरक्षण सम्बन्धी नयाँ वृत्तचित्र सार्वजनिक गरेको छ । डकुमेन्ट्रीले भूकम्पीय सुदृढीकरणका साथै परम्परागत नेपाली निर्माण प्रविधि र सामग्रीहरू प्रयोग गरी गुम्बालाई पुरानो महिमामा पुर्नस्थापित गर्न इन्टेक टोलीको प्रयासलाई वर्णन गर्दछ।नापिचन्द्र महाविहारको संरक्षण यात्रा र नेपालको सांस्कृतिक सम्पदाको संरक्षणको महत्वबारे थप जान्नको लागि वृत्तचित्र हेर्नुहोस्।

ऐतिहासिक सहर पाटनमा रहेका पाँच महाविहार (इन्टेक परियोजना) मध्ये श्री नापिचन्द्र महाविहारको संयुक्त रुपमा समुद्घाटन गरी समुदायलाई हस्तान्तरण गरिएको छ । कार्यक्रममा ललितपुर महानगरपालिकाका नगर प्रमुख श्री चिरीबाबु महर्जन र नेपालका लागि भारतीय राजदूत महामहीम श्री नवीन श्रीवास्तवबाट संयुक्त रुपमा समुद्घाटन गर्नु भएको थियो । उक्त कार्यक्रममा १२० भन्दा बढीको उपस्थितिमा भएको साे कार्यक्रमको अध्यक्षता ललितपुर विकास समाजका अध्यक्ष बुद्धिराज बज्राचार्यले गरेका थिए ।